Pertsona bat gehitu nahi dugu Laboral Kutxako Pertsonen Departamentuan. Hautatutako pertsona Giza Baliabideen Administrazio-taldean sartuko da, eta prestakuntza-programa sendo batean parte hartuko du, Entitate Kooperatibo bateko Giza Baliabideen kudeaketan espezializatzeko.

ZURE EGUNEROKOTASUNA

Giza Baliabideen administrazioari buruzko prozedurak eta arauak, bai lan-bazkideenak, bai besteren konturako langileenak, behar bezala aplikatzen direla kalkulatzea eta berrikustea, indarrean dagoen lege-araudiaren, LKren barne-prozeduren eta Departamentuko Zuzendaritzaren jarraibideen arabera, ordainsarien, legeen, zergen eta Gizarte Segurantzaren betebeharrak betetzeari dagokionez. Konkretuki:

• Bazkideekin, besteren konturako langileekin eta ikasleekin lotutako altak, bajak eta aldaketak izapidetzea; Gizarte Segurantzari eta/edo LagunAro BGAEri dagokien komunikazioa egitea eta kasu bakoitzerako beharrezko dokumentazioa prestatzea.
• Kontsultei erantzutea eta aldi baterako ezintasunak, amatasun- eta aitatasun-baimenak, eszedentziak, lanaldi murriztuak eta bestelako baimenak izapidetzea.
• Kontsultei erantzutea eta erretiro-, alarguntza- eta baliaezintasun-pentsioak izapidetzea, dokumentazioa prestatuz eta erakunde eskudunari aurkeztuz.
• Nominak behar bezala kalkulatzeko beharrezkoak diren datuak sartzea.
• Bazkideen kapitalerako ekarpenaren erosketa eta salmenta kudeatzea.
• Entitateko Gobernu Organoetan hilero aurkezten diren proposamenak egitea eta kudeatzea.
• Entitateko pertsona guztien nominen, gizarte-aseguruen, LagunAro BGAEren eta PFEZren atxikipenen ordainketa kudeatzea, unean-unean lurralde bakoitzean indarrean dauden araudien arabera.
• Aplikatu beharreko arau-esparruaren aldaketak etengabe eguneratuta edukitzea: legala, fiskala, Gizarte Segurantza, LagunAro BGAE, etab.

ZUREGANDIK ESPERO DUGUNA

• Gradua EAZn, Ekonomian, Zuzenbidean, Lan Harremanetan edo antzeko titulazioetan.
• Arlo ekonomiko eta juridikoetan prestakuntza bikoitza duten profilak baloratuko dira.
• Prestakuntza osagarria baloratuko da (Graduondokoak, Masterrak, etab.) Giza Baliabideen eremuan.
• Antzeko lanpostuetan gutxienez 2 urteko esperientzia izatea baloratuko da.
• Oinarri ekonomiko eta finantzarioak.
• Zuzenbide Zibileko eta lan-zuzenbideko ezagutzak.
• Fiskalitateari buruzko ezagutzak.
• Gaitasun digitalak.
• Euskara C1 maila.

ZER ESKAINTZEN DUGU?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:

• Talde-lana, elkarrekiko laguntza eta parte-hartzea sustatzen ditugu.

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko.

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.