Zure eginkizuna LABORAL Kutxak bigarren defentsa-lerrotik hartutako arrisku handien jarraipena, analisia eta kontrola egitea izango da. Halaber, kreditu-arriskuari buruzko prozedurak berrikustea eta behar bezala aplikatzen direla kontrolatzea.

HAUEK IZANGO DIRA ZURE EGINKIZUNAK:

• Entitatearen kreditu-arrisku handien jarraipena eta analisia egitea, Stage 1, 2 eta 3n izandako bilakaera ebaluatuz.
• Arriskuen sailkapen- eta hornidura-irizpideen egokitasuna ebaluatzea, arrisku jakin batzuen banakako estimazioei arreta berezia eskainita.
• Birsailkatutako arrisku garrantzitsuak eta arrisku nagusien bilakaera (top 50) aztertzea, horien kontzentrazio sektoriala eta geografikoa barne.
• Arriskua birsailkatzeko faktore automatikoak gainbegiratzea.
• Birfinantzaketa- eta berregituraketa-zorroa aztertzea eta kontrolatzea, eta politikak, informazioaren kalitatea, identifikazio-prozesuak eta koherentzia metodologikoa egokiak direla ziurtatzea.
• Arriskuaren jarraipenari eta bilakaerari buruzko txostenak egitea eta aurkeztea, gobernu-organoei zuzenduta (Arrisku Batzordea, Kontseilu Errektorea eta Zuzendaritza).
• Arriskuaren bilakaera sektoreka, zalantza-mailaka eta ez-ordainketen historikoka aztertzea.
• Onartutako eragiketak gainbegiratzea, bermeak aztertzea eta Kreditu Arriskuaren Kontrolaren arloko ekimenetan parte hartzea.

ZURE ALDETIK JARRI BEHARREKOA

• Gradua/Lizentziatura ADEn, Ekonomian edo antzekoetan (finantza-espezializazioa baloratuko da).
• Gutxienez 2 urteko esperientzia enpresen finantza-egoerak aztertzen.

• Banku- eta kreditu-araudia ezagutzea (IX. eranskina, CRR...).
• Kreditu-arriskuko politikak eta prozedurak ezagutzea.

• Bulegotika-tresna aurreratuak.
• Euskara eta ingeles maila altua.

¿Zer eskaintzen dugu?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:
• Modu pertsonalizatuan lagunduko dizugu zure praktikak burutzerakoan.
• Talde-lana, elkarrekiko laguntza eta parte-hartzea sustatzen ditugu.
• Proiektu errealetan murgiltzeko aukera eskaintzen dizugu.
• Behar duzun malgutasuna izango duzu, zure egutegi akademikoaren eta bizitza pertsonalaren artean oreka on bat izateko.
Azken batean, lan-ingurune inklusiboak eta errespetuzkoak eskaintzen ditugu eta gizonen eta emakumeen arteko aukera-berdintasuna bermatzen dugu.